TOT MAT PAR SINNER ?
Mo diobono, u n'è ancòura pròunt e' magné ch'l'è zà agl'j òt?
Mè a n'ò moiga temp da perd, un gn'è un bcòun zà còt?
Mòi, mè ò presia, am vagh a stend davaènti ma la televisiòun,
adès e zuga Sinner, t'avré pu santi doi de' nòst campiòun!
Sèèè... al sò che 'na volta e' tennis a ne putòiva supurtaè,
um paròiva ròba da fighet ch'i n'avòiva gnent da faè.
Sa i vut faè, l'era da poch pas e' sentòt, avimi 't la tèsta la rivoluziòun,
ui n' era chi giòiva che invezi dla palina, a druvimi al pali de' padròun.
Òz, tot l'è cambié, e cvèl ch'um pis 'd Sinner cvant ch'al vègh a zughé,
l'è e' fat che s'a leu u j è poch o gnent da bazilé.
Ma chilt zugadeur u ni lasa arfiadaè, ui toira dai sivèli da faè paveura,
un perd guasi mai e t pu staè sicheur ch'e farà la su bèla figheura.
Ch'l'è un tedèsch us vòid da la curpuradeura, e' caratar e i cavel 'd culòur ramaè.
mo a staè s'jtaglin l'à imparaè che al tasi an s'paèga se t ste 't e' prinzipaè.
Alè, i taca, am stòugal s'la tumaèna, bagegg int la faldaèda,
birina d'un caènt e ma cl'americaèn stasòira ai dem 'na bèla strapazaèda.
Ai sem, òs-cia s'l'è fort e' nòst, sozmal, u ni fa faè un fié,
claèlt l'è eun di bun, mo stasòira e fa la figheura d' un por sgrazié.
Cvèl che però a n'ares a capoi, l'è e' parché 't l'interval
u j è sempra Sinner a faè e' pataca e, ma sta ròba, mè a n'i faz e' cal.
Sè, e va ben la publicità, mo na che sipa sempra leu a doi cal marunaèdi,
vut ch'un n'epa sa di suld che vòinz? Figuresmi, un ciaparà dal vagunaèdi.
Ch'l'epa bsògn 'd faè e' bumbòz par la baènca, par la pasta o pr'e' cafè?
L'è tròp, a cambi canaèl, um paèr 'na putanaèda ch'an gn'a la faz a supurtaè!
A faz un zoir ma chilt canel intaènt che fa e' siucarèl, ò fat acsè ènca l'altrir,
cvaicosa però l'è 'ndaè stort e cvant ch'ò zirat darnov, i deva un cino in biench e nir.
Ou, un m'avnoiva moiga inamòint sèl ch'a feva a lè, stuglaè se' divaèn:
tèsta in barlòina, furmoighi 't i pì, vesta imbruieda: a steva da caèn.
L'arloz e sgneva agl'j ong e' mèz, òura d'andaè a durmoi,
acsè par na svigè la mòi, a m'infoil 't la cambra da zet e mèz instoi,
mo lì da sèch: “Chi ha vinto?”. L'am dmanda, intaènt ch'la s' zireva.
Vòint e chè? E coi ch'l'avòiva da vòinz? E sèl ch'i zugheva?
Ah...boh, an m'arcurdaèva a gnenca sèl che pròima a s'era dri a guardaè.
“Ma come? Sinner... Sinner...e te lo sei dormito? Ma che roba è?”.
Òs-ciaaa..., adès sé ch'um ven tot inamòint,
par na guardaèl a faè e' bumbòz, ò cambiè canaèl e a lè am sò indurmòint.
Par savòi ch'l'avòiva vòint la j à cnu sfrucé pr'un po' 't e' su telefunin,
sé a s'era cuntent, mo an sò andaè piò in là d'un mèz surisin.
SINNERMANIA ?
Accidenti, non è ancora pronta la cena che sono già le otto?
Io non ho mica tempo da perdere, non c'è un boccone già cotto?
Moglie mia, ho fretta, mi vado a sdraiare davanti alla televisione,
ora gioca Sinner, avrai pur sentito dire del nostro campione!
Sììì... lo so che una volta il tennis non lo potevo sopportare,
mi sembrava una cosa di quei fighetti che non avevano nulla da fare.
Che ci vuoi fare, era da poco transitato il '68, avevamo in testa la rivoluzione,
c'era chi diceva che invece della pallina, meglio usare le palle del padrone.
Oggi tutto è mutato e ciò che mi piace di Sinner, quando lo vedo giocare,
è il fatto che con lui c'è poco o nulla da penare.
Gli altri giocatori non li lascia respirare, tira loro delle bordate da far paura,
non perde quasi mai e poi sta pur certo che farà la sua bella figura.
Che sia un tedesco si vede dal fisico, dal carattere e dal capello ramato,
dagli Italiani, però, ha imparato che le tasse non si pagano se abiti nel Principato.
Alè, iniziano, mi allungo sul divano, arachidi per finire la mangiata
birra in un angolo e a quell'americano stasera daremo una bella sverniciata.
Ci siamo, orca se è forte il nostro, accipicchia, non gli fa fare un fiato,
l'altro è un buon giocatore, ma stasera fa la figura del disgraziato.
Ciò che però non riesco a comprendere è perché nell'intervallo
c'è sempre Sinner a fare lo zimbello e, a questa cosa, non riesco a fare il callo.
Sì, va bene la pubblicità, ma che debba essere lui a dire tutte quelle stupidate,
non gli sono sufficienti i soldi che vince? Figuriamoci, ne incasserà a vagonate.
Che debba fare l'insensato per la banca, per la pasta o per il caffè,
è troppo, cambio canale, questa è una stupidata che non fa per me!
Giro sugli altri canali intanto che fa lo sciocchino, l'ho già fatto l'altro ieri;
quando però sono di nuovo ritornato sul canale, c'era un film di avventurieri.
Ohi, non mi capacitavo del perché ero lì, sdraiato sul divano:
testa in confusione, formicolio nei piedi, vista annebbiata: uno stare disumano.
L'orologio segnava le undici e trenta, ora di andare a letto,
così per non svegliare la moglie, entro in camera in silenzio perfetto
ma lei improvvisamente:“Chi ha vinto?”. Mi chiede intanto che si rigirava.
Vinto che cosa? E chi doveva vincere? E a che si giocava?
Ah...boh, neanche ricordavo cosa stavo a guardare e il perché,
“Ma come? Sinner...Sinner... e te lo sei dormito? Ma che roba è?”.
Orcaaaa... adesso sì che tutto alla mente mi è ritornato,
per non vederlo fare l'imbecille, ho cambiato canale e mi sono addormentato.
Per sapere che aveva vinto ha dovuto pigiare un po' sul suo telefonino,
sì, ero contento, ma non sono andato più in là di un mezzo sorrisino.
Ultimi Commenti