E' caèn dla mi surèla

“ Ta l'é saveu che la tu surèla

   la j à tolt un ènt caèn?”.

“ Ah...sssé? Na, a ne savòiva,

   mo quant ch'l'è staè?”.

“ L'altr'ir, la ròba curiousa l'è

   che pròima l'era andaè una ragaza

   pr'avdòi la caèsa, in sa fideva

   quei de' canoil de' cumeun

   dal fotografì ch'la j avòiva mand.”.

“ Òrca, a me figheur,

   dòp ch'la j à vest la vela da sgneur,

   e' zardòin ch'è paèr un paèrch

   e la cocia granda cmè una cambra da lèt,

   a n'ò dobi ch'la sgnuròina la j epa dmand

   s' i la putòiva to ma lì 't e' pòst de' caèn!”.

Il cane di mia sorella

“L'hai saputo che tua sorella

  ha preso un altro cane?”. 

“Ah...sssì? No, non lo sapevo,

  ma quando è stato?”.  

“L'altro ieri, la cosa curiosa è

  che prima  era andata una ragazza

  per vedere la casa, non si fidavano

  gli addetti del canile comunale

  delle foto che aveva loro spedito!”.

“Orca, me lo immagino,

  dopo che ha visto la villa da signori, 

   il giardino che sembra un parco

  la cuccia ampia come una camera da letto,  

 non ho dubbi che la signorina abbia chiesto 

  se potevano prendere lei invece del cane!”.