LA MUDERNITÀ
Mo propi na, l'am sta se' gòz sta voita muderna,
mè a sò cmè eun ch'l'è scap da poch da la caverna,
a sò pala persa int ste mònd ch'um paèr un gran casòin,
e an gna la faz a staè dri m'incvèl, cio, an sò piò un ragaztòin!
A vdòi la zenta sempra drì a spugnitaè me' telefunin,
um ven da pansaè ch'a sem turné burdel s'i nost zugatlin,
e paèr che la voita d'un cris-cen l'an vaga piò in là da lè,
che biribescval l'è dvent l'anzal custodi 'd tot i dè,
e cvant ch'a degh che mè an l'ò, im guaèrda maèl,
im fa du occ cmè bega e im dmanda sa sò nurmaèl.
E tot cal machinèti che ormai a gl'j è dimpartot
e s't'an fe cmè ch'al vo lòu, sicheur che t ci di guai 'd brot?
'T l' ospedaèl a Savgnen avòiva un ticket da pagaè
pr'un esaèm ch'e senza maènch avòiva da faè,
a steva impalaè a lè davaènti ma cla machinaza
a grataèm la tèsta sicheur 'd faè 'na figuraza.
Di drì e cminzeva a faès la foila, mè a sudeva,
acsè am scansaèva e avaènti chilt par capoi cmè ch'us feva;
is giòiva cròid ch'al fases par gentilèza e curtesì,
mo l'è ch'a ni capoiva un'òs-cia e am s'era stof 'd daèi pursì.
Am s'era guasi rasigné a muroi senza a gnenca rivé da e' dutòur
e a speraè che tot e pases in presia senza patoi tròp dulòur.
U s'n'è daè 'na ragaza dl'òspedaèl s'a madòs un zinalòun,
la m'à ciap e' foi, la j à fat incvèl lì e la j à salvaè la situaziòun.
E cvant ch'ò da pagaè par scapaè da l'autostraèda?
L'è sicheur che ben ch'la vaga, am ciap 'na sputanaèda.
Pu ben cvant ch'u s'avòiva da pagaè ma l'umarein 't e' gabièt,
e che boilia adès ch'an sò mai duvò ch'ò da infilé suld e biglièt!
E ch'ui fos 'na volta ch'u ni sipa eun dri da mè
ch'um sòuna par doim ch'a faza prèst che leu e vo pasaè!
Sa vagh me' bancomat a to zò un po' 'd suld l'è praciois,
par capoi cmè ch'avòiva da faè a j ò mes mois e mois.
Am sò cnu faè insgné da mòi e fiola fena ch'ò imparaè,
da par mè um ciapaèva la boilia e a n'avdòiva l'òura 'd scapaè.
E par finoi, u j amancaèva snò la televisioun nova a romp i mareun,
le sòiri e sòiri ch'an vègh piò gnent e doi ch'an faz che s-ciazaè di buteun!
A capoi ste mònd par mè u s'è fat taèrd, adès l'è fadoiga,
ò paveura che s'la mudernità la mi voita l'an sipa migliuraèda moiga!
LA MODERNITÀ
Proprio no, mi sta sul gozzo questa vita moderna,
io sono tale ad uno appena uscito dalla caverna,
sono palla persa in questo mondo che mi pare un gran casino,
e non riesco a star dietro a tutto, ahimè, non son più un ragazzino!
A vedere la gente sempre intenta a smanettare sul telefonino,
mi vien da pensare che siam tornati bambini col giocattolino,
mi pare che la vita di un individuo non vada più lontano di lì,
quel diabolico oggetto e divenuto l'angelo custode di ogni dì,
e quando io annuncio che non lo possiedo, mi guardano male,
spalancano gli occhi stupiti e mi chiedono se sono normale.
E quelle macchinette che si trovano dappertutto
e se non fai come sono programmate, avrai certo guai di brutto?
Nell'ospedale di Savignano avevo un ticket da pagare
per un esame che senza meno dovevo effettuare,
stavo impalato davanti a quella macchinaccia
a grattarmi la testa sicuro di fare una figuraccia.
Alle mie spalle iniziava a farsi la fila, io iniziavo a sudare,
così mi scansavo e avanti gli altri per capire come si poteva fare;
forse si credevano che lo facessi per gentilezza e cortesia,
invece era che non ci capivo niente e mi ero stufato di procedere purchessia.
Mi ero oramai rassegnato a morire senza neanche arrivare dal dottore
e a sperare che tutto finisse velocemente senza patire troppo dolore.
Se n'è avveduta una ragazza dell'ospedale che indossava un camicione,
mi ha preso il foglio, ha fatto tutto lei ed ha salvato la situazione.
E quando devo pagare per uscire dall'autostrada?
È certo che bene che vada, mi prendo una sputtanata.
Che bello quando si pagava all'omino nel gabbietto,
e che ansia adesso che non so mai dove inserire i soldi e il biglietto!
E ci fosse una volta che non ci sia qualcuno dietro di me ad aspettare,
e che non suoni per dirmi di fare presto che lui vuole passare!
Se vado al bancomat a prelevare un po' di soldi è la stessa cosa
per comprendere come si deve fare ci ho impiegato dei mesi a iosa.
Mi son dovuto far insegnare da moglie e figlia, finché son riuscito ad imparare,
da solo mi prendeva l'ansia e non vedevo l'ora di scappare.
E per finire, ci mancava solo il televisore nuovo a rompere i maroni,
sono sere che non vedo più niente e dire che non faccio che schiacciare bottoni.
A comprendere il nuovo mondo per me s'è fatto tardi, ora è fatica,
temo che con questa modernità, la mia vita non sia migliorata mica!
Ultimi Commenti