LA VCIAIA LA S' PÒ SCAVIDÉ
Cvant ch'a m'incòuntar sa cvei dla mi età, o zò da lè, u j è da bazilé,
parché a finem sempra a lamantaès d' j an ch'l'è pas e ch'i sa arviné.
“A n'ò piò gnenca e' fié 'd faè al scaèli, mo cmè ch'as sem ardot...!”.
“Ta m'e doi mu mè che insen s'la mi mòi a parem du zirot!”.
“Ta t cròid che mè a staga mèi? Guerda, a j ò dri 'na ligaza 'd medizòini?”.
“A cio, sa vut ch'at dega, mè a chin ingulaè cvatar pastòini tot al matòini!”.
“E mè alòura ch'an sint piò gnent? T void sèl ch'i m'à infilé 't agl'j urèci?”.
“Mo tò, l'è l'Amplifon, òs-cia l'è vèra, s'e' temp ènca cvèli al dventa vèci!”.
“Ah sé, s'ta t fe da la tèsta e t'vin zò, un gn'è gnent ch'u n'à ciap sta malatì.”.
“Burdel, us fa par doi, lasema perd, sa s'infilem 't al paèrti basi, mè a vagh vì!”.
“Al savòiva mè ch'andimi a finoi a lè, t'am vu doi che l'usèl un vòula piò?”.
“Un vòula? T vu scarzé, un pessa a gnenca, la prostata gòunfia a j ò !”.
“E e' mi avsòin? L'à la tarmasòun, s'al maèni e paèr sempra dri a faès 'na pugnèta,
a caminé e fa du pas s'una preda e u s'apòza sempra ma la zanèta!”.
“Mè an vagh moiga mèi, par to sò un vaès 'd fieur u m'è ciap un znèstar 't la scòina,
adès a sò tinco cmè un lumbardòun, a gnenca ch'aves tolt sò un cvintaèl 'd faròina!”
“T zcòr sa mè ch'a j ò di ziramoint 'd tèsta ch' im chin tnòi par faè al scaèli d'in zò?”.
“Mo e' mi signòur, che brota ròba la vciaia, cvanta ch'la n'arviné dla gioventò!”.
“Mo diobono, cmè ch'al cambia al ròbi cvand ch'u s'aroiva ma sta brota età,
u t va vi tot al voji, mo da faè chè a campaè acsè ch'as sem ardot da faè pietà!”.
“A sé, e' temp e sguela, e pu sta zet ch'a sem a cvè, voiv ènca stamatòina!”.
“E pansaè che u ni vlòiva moiga gnent a scavidé la vciaia: bastaèva muroi pròima!”.
LA VECCHIAIA SI PUÒ EVITARE
Quando mi incontro con quelli della mia età, o giù di lì, si va via arrabbiati,
perché finiamo sempre per lamentarci degli anni trascorsi che ci hanno rovinati.
“Non ho neanche più il fiato per fare le scale, ma come ci siamo ridotti...!”.
“Lo dici a me che quando sono con mia moglie sembriamo due cerotti|!”.
“Ti credi che io stia meglio? Guarda ho con me un un sacco di medicine!”.
“Cosa posso dire, io son costretto ad ingoiare quattro pasticche tutte le mattine.”.
“Ed io allora che non odo più niente? Vedi cosa mi hanno infilato nelle orecchie?”.
“Accidenti, è l'Amplifon, è vero, col tempo anche quelle diventano vecchie!”.
“É così, se ti fai dalla testa e vieni giù, non c'è nulla che non abbia sta malattia.”.
“Ragazzi, si fa per dire, lasciamo perdere, se scendiamo nel basso, io vado via!”,
“Lo sapevo io che finivamo lì, vuoi dirmi che l'uccello non vola più?”.
“Non vola? Vuoi scherzare, non urina neanche, la prostata gonfia ho laggiù!”.
“E il mio vicino? Ha il tremore, così che con le mani pare si faccia una pugnetta,
a camminare fa due passi su una mattonella e si appoggia sempre alla zanetta!”.
“Io non sto meglio, per sollevare un vaso di fiori m'è preso un crampo nella schiena,
sono rigido come un baccalà, neanche avessi sollevato una cassa di farina piena !”.
“Parli con me che ho testa che gira e mi devono reggere per fare le scale in giù?”.
“O mio Signore, che brutto affare la vecchiaia, quanta ne ha rovinata di gioventù!”.
“Diobuono, come mutano le cose quando si giunge a questa brutta età,
svaniscono tutte le voglie, ma a che fare vivere così che facciamo pietà!”.
“Vero, il tempo scivola e fortuna che siamo ancora qui, vivi anche stamattina!”.
“E pensare che non ci voleva nulla per evitare la vecchiaia: bastava morire prima!”.
Ultimi Commenti