E' SBAI PIÒ GRÒS
Cmè ch'i sipa scap fura int ste mònd l'òm e la dòna
l'è ona 'd cal ròbi ch'an gn'a la faz a capoi!
Par coi ch'ui cròid l'è staè e' signuròin,
e acsè la cvis-ciòun la j è ceusa a lè.
Mè a ne sò coi che da bon u sa mes int ste mònd,
mo sipa coi ch'us sipa, un gn'è dobi ch'u s'è sbajé!
Ciooo..., piò a j a pens e piò l'am paèr gròsa!
Da la peunta di pì a la codga dla tèsta,
cvèl ch'ui vo, par campaè sta voita, u s'l'à fat.
Mo bsugneva meti ròba 'd bona maèrca e cvalità,
e invezi l'è staè usé dla rubaza ch'l'an deura gnent.
Acsè a sem sempra 't i rot parché da spès la s' guasta,
e ben ch'la s' vaga, a cnem patoi de' gran maèl:
agl'j ongi al s'incarnes, agl'j òsi as ròmp,
al muròi al s'infiamba, l'usèl un pessa, la paènza la dol,
e' cor un bat ben, i paimeun in pòmpa,
i dint in biasa, j occ in vòid, i cavel i chesca;
dla tèsta a n'un zcurem, tanimodi la va par su còunt.
Insòma tot us guasta, pu e' maèl e dventa gròs.
Mo che par campaè chi po' d'an ch'u s'aspèta,
ch'ui vles tot cvèl ch'i sa mes dròinta, e sarà ènca vèra,
a n'un degh, mo da bon un sbai gròs l'è staè fat.
E' mi nòn Fanòin um giòiva sempra:
“Vut che sipa? A campem staèntan,
un terz al lavurem, un terz a se durmem,
an putresmi staè ben e' maènch int claèlt terz?”
E invezi na, tot us s'infròida e bsògna cures,
staè tenti me' magnè, me' bòi, a na ciapaè frèd,
cor da e' dutòur, ingulaè medizòini, supurtaè cristeri,
analisi sangv e uròini, òspedaèl, uperaziòun...
E, dòp che ch'avem fat incvèl par foil e par segn,
in s'ven a doi ch'un gn'è piò gnent da faè?
E sa i putemi doi?
Bèla ciaveda ch'i sa daè e... bonanòta mi sunadeur!
L' ERRORE PIÙ MARCHIANO
Come siano comparsi in questo mondo l'uomo e la donna
è uno di quei misteri che non riesco a comprendere!
Per i credenti è stato il Padreterno,
e così la questione è chiusa lì.
Io ignoro chi veramente sia stato a porci in questo mondo,
ma chiunque sia stato, senza alcun dubbio, s'è sbagliato!
Che dire? Più ci rifletto e più mi sembra un'assurdità!
Dalla punta dei piedi al cuoio capelluto,
ciò che necessita, per vivere questa vita, non manca,
Bisognava però usare merce di buona marca e qualità,
e invece è stato impiegato materiale di scarsa durata.
Così siamo sempre nei guai perché spesso si deteriora,
e per questo, ben che ci vada, dobbiamo patire forti dolori:
le unghie s'incarnano, le ossa si rompono,
le emorroidi s'infiammano, l'uccello non urina, la pancia duole,
il cuore non batte, i polmoni non pompano,
i denti non masticano, gli occhi non vedono, i capelli cadono;
della testa non ne parliamo, tanto va per conto suo.
Insomma, tutto si corrompe, poi arriva il male grave.
Ma che per campare quei pochi anni che ci spettano,
servisse tutto ciò che è dentro di noi, sarà pur vero,
non lo nego, ma un grave errore è stato commesso
Mio nonno Giuseppe mi ripeteva sempre:
“Vuoi che sia? Campiamo settantanni,
un terzo li lavoriamo, un terzo ce li dormiamo,
non potremmo star bene almeno nell'altro terzo?”.
E invece no, tutto si guasta e bisogna curarsi,
fare attenzione al cibo, al bere, a non prendere freddo,
correre dal dottore, ingurgitare medicine, sopportare clisteri,
analisi sangue e urine, ospedale, interventi...
E dopo che si è eseguito tutto per filo e per segno,
non ci vengono a dire che non c'è più niente da fare?
E cosa possiamo rispondere?
Bella fregatura ci hanno dato e... buonanotte ai suonatori!
Ultimi Commenti