I PROIM LAVEUR (1) - I PRIMI LAVORI (1)

A caèsa però la voita 'd pròima l'an s'putòiva piò faè, bsugneva guadagnes la pagnòta, mè an savòiva in duvò sbat la tèsta, a pasaèva 'na masa 'd temp 't l' ACLI a zughé al caèrti o a bilierd si suld cunté ch'um deva e' mi ba la dmenga e ch'j avòiva da faè rinsoida par tot la stmaèna, e a lè un dòpmezdè um ciapa e' profesòur Enrico Pollini e um doi che s'avòiva voja 'd faè scola mi zovan aprendesta dal fabrichi 'd scaèrpi 'd Samaèvar, ch'andes a zcòr se' diretòur de' “Centro Zavatta” 'd Remin che e' pòst l'era sicheur parchè un s'truvaèva niseun ch'ul vles faè.

Cvèl e' fot e' mi pròim lavòur pagaè, òt òuri a la stmaèna int e' salòun sòura l'ACLI, sa cla paèga un s'andeva dalongh, mo cio. mèi ch'n'è gnent, pr'e' spilatich ai feva bastaè, 'na matòina e ven ma caèsa nòsta e mi zì Carlein s'una gran pressia, leu l'era eun di sòci de' “Campione”, 'na fabrica 'd scaèrpi, e um doi da cor sobit t' j ufoizi ch'ui bsugneva eun istruoi par zert laveur.

An putòiva doi 'd na, ènca parché im laseva agl'j òuri ch'um bsugneva pr'andaè a faè i cheurs ma j aprendesta.

Adès e' Campione l'era dvent 'na fabrica gròsa, un sach 'd uperai, un bèl capanòun, ah sé, propi gnent da doi, me pu ai cnusòiva ben i soci padreun, cio, avòiva zà lavuraè sa lòu int e' pròim an, cvant ch'i s'era mes sò int un vècc cambaròun int e' Castèl, duvò che adès u j è 'na pizerì.

L'era d'instaèda cla volta, avòiva da poch finoi al scoli elementaèri e a s'era pas ma l'esaèm d'amisiòun mal Scoli Medji a 'd Savgnen, a n'avòiva ancòura ciap j ong an d'età e par caès a pasaèva davaènti ma sta nova fabrichina, e a punteva j occ par avdòi sèl ch'i feva a lè 'd dròinta, che da sèch e ven fura Donati, eun di zòincv sòci, um ciapa pr'u 'na maèna e um porta 'd dròinta.

Um fa vdòi e' pòst, al machini e i raghez ch'j era dri a lavuraè, e pu um doi:

“Vut avnoi a lavuraè sa nòun ch'aven bsògn d'un paèra 'd ragaztòin cmè tè chi venga a daè la Sevea e e' Mastizòun mal tmari e mal sulèti?”.

E' pansir ch'avria puteu daè 'na maèna mi mi sa chi suld, um faset doi sobit 'd sé, la paèga la j era 'd zòinczent fraènch a la stmaèna e, cmè ch'ai ciapaèva, ai purtaèva 'd cheursa me' mi ba, par faèi avdòi che ènca mè a deva 'na maèna pr'al spòisi dla fameja.

Int l'eutma stmaèna 'd lavòur, pròima dla ciseura pr'al feri d'agòst, im det l'aumòint, zetzentcincvaènta fraènch, da la fabrichina a caèsa ò fat tot 'na vulaèda cmè un mat, um paròiva d'avòi ciap chisà che masa 'd suld.

A m'arcord che da chi dè i burdel in putòiva andaè a lavuraè 't al fabrichi, acsè cvant che int e' pajòis e zireva l'Ispetòur de' Lavòur, mu mè e ma Sante Bugli (dla fameja deta d'j Aldòin), ch'a lavurimi insen a lè 'd dròinta e che leu l'avòiva adiriteura du an maènch ch'n'è mè, is feva scapaè da e' finistròin de' gabinèt, ma, a doila tota, u n'è ch'ui fos tot ste bsògn, parchè Piscaglia, cvèl ch'e tnòiva i cheunt 'd guasi toti al fabrichi grandi e znini 'd Samaèvar, u l'avnoiva a savòi un po' pròima ch'l'arives e acsè e feva temp a 'd avisé i padreun ch'i mandes a caèsa cvei ch'i n'era in regola s'al lèzi e i burdel par proim.

Acsè a s'era arturnaè sa cvei ch'avòiva cminzé, mo l'era cambi tot incvèl, cio l'era na fabrica gròsa s'un sach 'd personaèl e operai ma la manuvì, adès us lavuraèva par la produziòun e basta, e i burdel in gn'era piò a lavuraè a lè 'd dròinta e un s'farmaèva piò e' lavòur pr'andaè int e' bar a vdòi l'aròiv de' zoir d'Itaglia, cmè ch'a fimi na volta cvant che i curideur j ariveva mi traguerd dal tapi 'd muntagna.

E pu u j era la puletica, che, a doi la verità  mè an gna pansaèva a gnenca piò, l'era ròba ch'an feva moiga taènt vulantir, a ni steva drì, an lizòiva i giurnel, a n'andeva a vutaè, insòma, al feva snò par faè cuntent e' mi ba a doi ch'a s'era sucialesta,  che invezi 'na sòira um doi:

“Dmenga matòina e ven Jaures ch'e vo ciacaraè sa tè, nu ciapa vì!”.

E Jaurès l'avnet, u n'aènta bega 'd sicheur, a n'avòiva dobi ch'u m'avria dmand da faè dal ròbi ch'an n'avòiva nisona voja e interès a faè, e la fot propi acsè,  a Samaèvar u s'avòiva da met sò la seziòun di zovan sucialesta, cvatar o zòincv j avòiva det sé e mè a n'um putòiva tiré indrì. Sa vut ch'ai putes arspònd ma Jaures e pu davaènti a e' mi ba che steva da santoi?

“Sè, va ben, ai stagh ènca mè!”.

A speraèva che fos snò ciacri, invezi 'na dmenga matòina u j era la pròima ardota, cio, a simi un bèl nomar, u j era ènca un zuvnòt dla Federaziòun 'd Furlè, un po' 'd ciacri 'd puletica e pu, pròima 'd ceud la riugnòun, ancòura Jaures  u s'aèlza da la scarana e us doi dla su cuntantèza par la bèla nuvità dla seziòun di zovan sucialesta samavrois, duvò che Raduano e farà e' Segretaèri e mè e' President.

“A soi tot d'acord?”. Niseun l'à det gnent e acsè e vlòiva doi ch'a simi tot d'acord, un gn'era piò gnent da doi e la riuniòun la j era s-ciolta.

Mo pora mè, duvò ch'am s'era andaè a cazaè! An n'avòiva sa dal gati da plaè!

 Cagl'j òt òuri 'd scola sa chi burdlaz agl'j era un turmòint, ma lòu un gn'in frigaèva un caz 'd staèm da santoi, par guasi tot l'era sno 'na matòina senza lavòur, mo pagaèda, e acsè mu mè u m'avnoiva ènca e' dobi ch'an fos a gnenca bon 'd faè e' mèstar, 'na gran fadoiga par gnent.

A casa però la vita di prima non si poteva più condurre, bisognava guadagnarsi il pane e il companatico, io non sapevo dove sbattere la testa, passavo molta parte del mio tempo nel bar ACLI a giocare a carte o a biliardo con i pochi soldi in tasca che mi passava mio babbo la domenica e che dovevano durare per tutta la settimana, e lì, nel bar, un pomeriggio incontro il professor Enrico Pollini, che mi chiede che se avevo disponibilità e interesse per condurre i corsi per i giovani apprendisti delle fabbriche di scarpe di San Mauro, potevo andare a presentarmi al direttore del “Centro Zavatta” di Rimini, che il posto era sicuro, in quanto non si riusciva a trovare qualcuno che lo volesse fare.

Quello fu il mio primo lavoro retribuito, otto ore alla settimana nel salone sopra l'ACLI, con quella paga però non ci si allargava troppo, per lo spillatico me li sarei fatti bastare, ma una mattina viene a casa nostra mio zio Carlo con una grande fretta, lui era uno dei soci del “Campione”, una importante fabbrica di scarpe, e mi dice di andare subito nei loro uffici in quanto serviva una persona istruita per svolgere certi lavori.

Non si poteva dire di no, anche perché mi lasciavano le ore necessarie per andare ad insegnare agli apprendisti.

Adesso il Campione era divenuta una grossa fabbrica, tanti operai, un bel stabilimento, nulla da obiettare, io conoscevo bene i cinque soci proprietari, in quanto avevo già lavorato con loro nel primo anno che si erano insediati in una vecchia stanzone nel rione Castello, dove attualmente ha sede una pizzeria.

Era d'estate quella volta, avevo da poco terminato le Scuole Elementari, e avevo superato l'esame di ammissione alle Scuole Medie di Savignano, non avevo ancora compiuto gli undici anni d'età, per caso transitavo davanti al laboratorio e aguzzavo lo sguardo per vedere cosa accadeva in quell'ambiente, che viene fuori Donati, uno dei dei cinque soci, mi prende per una mano e mi accompagna all'interno.

Mi mostra alcune macchine, l'ambiente e i ragazzi che erano intenti al lavoro, poi:“Vuoi venire a lavorare con noi che abbiamo bisogno di un paio di ragazzini a dare la colla e il mastice alle tomaie e alle solette?”.

Il pensiero che avrei dato una mano ai miei genitori coi soldi, mi fece dire di sì, la paga era di 500 lire alla settimana che, come li incassavo, li portavo di corsa a mio babbo, per dimostrargli che anch'io contribuivo alle spese familiari.

Nell'ultima settimana di lavoro, prima della chiusura estiva per ferie, mi diedero l'aumento, 750 lire, dalla bottega a casa ho corso all'impazzata, mi sembrava d'avere incassato chissà quale grande cifra.

Mi ricordo che in quei tempi i bambini non potevano lavorare nelle fabbriche, così quando per il paese girava l'Ispettore del Lavoro, a me e a Sante Bugli, con cui lavoravamo insieme e che aveva due anni in meno dei miei, ci facevano uscire dalla finestrino del gabinetto, ma, in vero, non ce n'era grande necessità, in quanto Piscaglia, colui che teneva gran parte dei conti  delle fabbriche grandi e piccole del paese, lo veniva a sapere in anticipo e così avvertiva i padroni delle fabbriche che facessero stare a casa chi non era in regola e i bambini in particolare.

E poi si faceva avanti anche la politica, che io ne avrei fatto volentieri a meno, non la seguivo per niente, non leggevo i giornali che non fossero sportivi, non andavo ancora  a votare, insomma, lo facevo solo per far contento mio babbo a dire che ero socialista, così che una sera mi dice: “Domenica mattina viene Jaures che ha bisogno di parlare con te, non andare via!”.

E Jaures venne, un'altra bega di sicuro, ero certo che avrei dovuto fare cose di cui non avevo alcuna voglia e interesse a dare realizzazione, e fu proprio come temevo, a San Mauro si doveva costituire la sezione dei giovani socialisti, quattro o cinque avevano già aderito ed io non mi potevo tirare indietro. Cosa potevo rispondere a Jaures e poi di fronte a mio babbo che stava ascoltando?

“Sì, va bene, ci sto anch'io!”.

Mi auguravo si trattasse di sole chiacchiere, invece una domenica mattina si fece la prima riunione, ohi, eravamo un discreto numero, era presente pure un giovanotto della federazione provinciale di Forlì, un po' di ragguagli sulla politica e poi prima di chiudere la riunione, ancora Jaures si alza dalla sedia e ci comunica la sua soddisfazione per la bella novità della sezione dei giovani socialisti sammauresi, dove Raduano farà il Segretario ed io il Presidente.

“Siete tutti d'accordo?”. Nessuno ha preso la parola e così significava che eravamo tutti d'accordo, non c'era altro da aggiungere e la riunione era sciolta.

Ma accidenti a me, dove mi ero andato a cacciare! Non ne avevo abbastanza di rogne da risolvere!

Quelle otto ore di scuola con quei ragazzotti erano un tormento, a loro non interessava assolutamente nulla della scuola o di darmi un minimo d'attenzione, per loro era solo una mattina senza lavoro, ma pagata, e così a me veniva il dubbio che non fossi neanche in grado di fare il maestro, mi sgolavo per niente.